流行鋼琴超入門<一> 右手單音

 係最最最開始，大家要知道鋼琴上的鍵係咩野音。首先大家係部琴前搵一搵2粒黑色同3粒黑色鍵，依個係鋼琴的最基本組合，不斷重覆依一個組合就變成琴啦。

要學識彈琴，首先要知道並記住每一個鍵代表的音，一開始我只教大家認白鍵的音,而且會用唱音同數字音黎講，因為我相信咁係最易明。(但係一定唔係正統教法，上得黎睇都係想即食學琴，想認真學就找個老師嗎~~XD)

鋼琴係定音的樂器，唔同結他同小提琴，佢定哂每一個鍵係咩野音，即係唔會好似結他咁會彈到走音，所以一開始好容易可以彈出好聲。琴的最左鍵係最低音，由左至右階梯咁升高。上面幅圖有3個組合，我地用8度黎表示啦，左低右高，所以左面係低八度，右面係高八度。

認住2粒黑鍵的左手邊就係Do音，3粒黑鍵的左手邊就係Fa音

by kermit tam